سورة المطففين - آیت 4

أَلَا يَظُنُّ أُولَٰئِكَ أَنَّهُم مَّبْعُوثُونَ

ترجمہ ترجمان القرآن - مولانا ابوالکلام آزاد

کیا ان لوگوں کو یقین نہیں کہ یہ دوبارہ زندہ اٹھائے جائیں گے

تسہیل البیان فی تفسیر القرآن - ام عمران شکیلہ بنت میاں فضل حسین

یہ ڈنڈی مارنے والے كیا قیامت كے دن سے نہیں ڈرتے، جس دن یہ اس ذات پاك كے سامنے كھڑے كیے جائیں گے، جس پر نہ تو كوئی پوشیدہ بات پوشیدہ ہے اور نہ كوئی ظاہر بات، وہ دن بھی نہایت ہولناك دن ہوگا بڑی پریشانی اور گھبراہٹ والا دن ہوگا۔