سورة الإنفطار

الَّذِي خَلَقَكَ فَسَوَّاكَ فَعَدَلَكَ

وہ پروردگار جس نے تجھے پیدا کیا، پھر ٹھیک ٹھیک درست کردیا، پھر (تمہارے ظاہری وباطنی قوی میں) اعتدال وتناسب ملحوظ رکھا

یعنی اس نے رحم مادر میں تجھے حقیر نطفہ سے جب كہ اس سے پہلے تیرا وجود نہیں تھا تجھے پیدا كیا، اور تجھے كامل انسان بنایا، تو سنتا ہے دیكھتا ہے اور عقل و فہم ركھتا ہے۔ تجھے معتدل گھڑا اور حسن صورت والا بنایا۔ تیری دونوں آنكھیں دونوں كانوں، دونوں ہاتھوں اور دونوں پیروں كو برابر بنایا۔ اگر تیرے اعضاء میں یہ برابری اور مناسبت نہ ہوتی تو تیرے وجود میں حسن كی بجائے بے ڈھب پن ہو جاتا۔ اسی تخلیق كو قرآن كریم میں احسن تقویم سے تعبیر فرمایا: (لَقَدْ خَلَقْنَا الْاِنْسَانَ فِيْ اَحْسَنِ تَقْوِيْمٍ)