سورة النسآء

أُولَٰئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلًا بَلِيغًا

یہ وہ ہیں کہ اللہ ان کے دلوں کی ساری باتیں خوب جانتا ہے۔ لہذا تم انہیں نظر انداز کردو، انہیں نصیحت کر، اور ان سے خود ان کے بارے میں ایسی بات کہتے رہو جو دل میں اتر جانے والی ہو۔

اللہ تعالیٰ فرماتے ہیں کہ آپ صلی اللہ علیہ وسلم ان لوگوں کی قطعاً پرواہ نہ کیجئے، البتہ انھیں دل نشین انداز میں نصیحت کرتے رہیے اور انھیں یہ سمجھائیے کہ اللہ تعالیٰ اپنا رسول بھیجتا ہی اس لیے ہے کہ اس کے حکم کو دل و جان سے تسلیم کیا جائے۔ اس سے معلوم ہواکہ دشمنوں کی سازش کو عفو و درگزر، واعظ و نصیحت اور قول بلیغ کے ذریعے ناکام بنانے کی کوشش کرنی چاہیے۔