سورة الجن - آیت 12
وَأَنَّا ظَنَنَّا أَن لَّن نُّعْجِزَ اللَّهَ فِي الْأَرْضِ وَلَن نُّعْجِزَهُ هَرَبًا
ترجمہ ترجمان القرآن - مولانا ابوالکلام آزاد
اور یہ کہ ہم نے سمجھ لیا ہے کہ ہم نہ توزمین میں (رہ کر) اللہ تعالیٰ کو عاجز کرسکتے ہیں اور نہ بھاگ کر اسے ہراسکتے ہیں
تسہیل البیان فی تفسیر القرآن - ام عمران شکیلہ بنت میاں فضل حسین
ظَنُّ: یہاں علم ویقین كے معنی میں ہے۔ یعنی قرآن سن لینے كے بعد ہمارے لیے ممكن نہ رہا كہ ہم اپنے غلط عقائد پر جمے رہیں لہٰذا ہم نے اپنی قوم میں سب سے پہلے ایمان لانے میں سبقت كی ہے، ہمیں معلوم ہو چكا ہے كہ خدا كی قدرت ہم پر حاكم ہے ہم اس سے نہ بھاگ كر بچ سكیں گے نہ كسی اور طرح اسے عاجز كر سكیں گے۔