سورة البقرة

يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَنِّي فَضَّلْتُكُمْ عَلَى الْعَالَمِينَ

اے بنی اسرائیل ! میری نعمتیں یاد کرو جن سے میں نے تمہیں سرفراز کیا تھا اور (خصوصا) یہ (نعمت) کہ دنیا کی قوموں پر تمہیں فضیلت دی تھی

اللہ تعالیٰ اس آیت میں بنی اسرائیل کو اپنے وہ انعامات یاد کروارہے ہیں جو ان پر کئے گئے ان کو علم حق دیا شریعت دی، ان میں بہت سارے پیغمبر بھیجے۔ تمام دنیا پر حکمرانی عطا کی۔ تاکہ وہ رب كی بندگی کے راستے كی طرف سب قوموں کو بلائیں۔ چاہیے تو یہ تھا کہ وہ ان انعامات پر اللہ کا شکر ادا کرتے ۔ لیكن الٹا وہ تکبر كرنے لگے کہ ہم تو اللہ کے چہیتے ہیں انبیاء کی اولاد ہیں لہٰذا ہم پر عذاب نہیں ہوگا اور یہ بات ان کے عقیدے میں راسخ ہوگئی تھی۔