سورة الطلاق

وَكَأَيِّن مِّن قَرْيَةٍ عَتَتْ عَنْ أَمْرِ رَبِّهَا وَرُسُلِهِ فَحَاسَبْنَاهَا حِسَابًا شَدِيدًا وَعَذَّبْنَاهَا عَذَابًا نُّكْرًا

اور کتنی ہی آبادیاں تھیں جن کے رہنے والوں نے اپنے پروردگار اور اسکے رسولوں کی صداقتوں سے سرتابی کی اور عصیان وطغیان پر اتر آئے تب ہم نے بڑی سختی کے ساتھ ان کے کاموں کا حساب لیا اور بڑے ہی سخت عذاب (٤) میں گرفتار کیا

شریعت پر چلنا ہے: عائلی زندگی سے متعلق احكام بیان كرنے كے بعد اور ہر ہر مقام پر اللہ سے ڈرتے رہنے كی تاكید كے بعد اللہ تعالیٰ نے ان لوگوں كا ذكر كیا جنوں نے اللہ كے احكام كے مقابلہ میں اكڑ دكھائی اور سرتابی كی راہ اختیار كی اور جو اس روش پر چلے وہ تباہ و برباد ہوگئے اور انھیں اپنی بدكرداری كا مزہ چكھنا پڑا۔ ان سب كا سختی سے مواخذہ كیا اور كسی كو بھی معاف نہیں كیا۔