سورة النسآء - آیت 30

وَمَن يَفْعَلْ ذَٰلِكَ عُدْوَانًا وَظُلْمًا فَسَوْفَ نُصْلِيهِ نَارًا ۚ وَكَانَ ذَٰلِكَ عَلَى اللَّهِ يَسِيرًا

ترجمہ ترجمان القرآن - مولانا ابوالکلام آزاد

اور جو شخص زیادتی اور ظلم کے طور پر ایسا کرے گا، تو ہم اس کو آگ میں داخل کریں گے، اور یہ بات اللہ کے لیے بالکل آسان ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

یہاں ایسے کاموں سے مراد تمام اوامر ونواہی ہیں جن کا ذکر اس سورت کی ابتدا سے چلا آرہا ہے۔ اور جو لوگ ظلم اور زیادتی سے اپنے آپ کو نہ بچائیں گے اور گناہ کا ارتکاب کرتے جائیں گے اللہ کے لیے یہ بہت آسان ہے کہ اللہ ان کو آگ میں داخل کریں گے۔