سورة الحشر - آیت 1

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ

ترجمہ ترجمان القرآن - مولانا ابوالکلام آزاد

جوکچھ آسمانوں اور زمین میں ہے سب اللہ کی تسبیح بیان کرتے ہیں اور وہی غالب اور بڑی حکمت والا ہے (١)

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ فرماتا ہے كہ آسمانوں اور زمین كی ہر چیز اللہ تعالیٰ كی تسبیح تمجید، تكبیر اور توحید میں مشغول ہے جیسے كہ سورئہ بنی اسرائیل ۴۴ میں فرمایا کہ: ﴿وَ اِنْ مِّنْ شَيْءٍ اِلَّا يُسَبِّحُ بِحَمْدِهٖ﴾ ’’ہر چیز اللہ تعالیٰ كی پاكیزگی اور ثنا خوانی بیان كرتی ہے وہ غلبہ والا اور عالی سركار والا ہے۔ اور اپنے تمام فرمان اور احكام میں حكمت والا ہے۔‘‘