إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ
راز دارانہ سرگوشیاں شیطان کی وسوسہ اندازی سے ہوتی ہیں تاکہ مسلمان اس کی وجہ سے آزردہ خاطر ہوں حالانکہ بغیر مشیت الٰہی کے یہ سرگوشیاں کچھ بھی نقصان نہیں پہنچا سکتیں مسلمانوں کو چاہیے کہ ہر طرف سے کٹ کر صرف اللہ تعالیٰ ہی پر اعتماد رکھیں
یعنی ہر قسم كی سرگوشی جس سے مسلمانوں كو تكلیف پہنچے اور اس سے بدگمانی ہو یہ شیطان كی طرف سے ہے، شیطان یہ كام منافقوں سے اس لیے كرواتا ہے تاكہ مومنوں كو رنج وغم ہو۔ لیكن یہ سرگوشیاں اور شیطانی حركتیں، مومنوں كو كچھ نقصان نہیں پہنچا سكتیں الا یہ كہ اللہ كی مشیئت ہو۔ اس لیے تم اپنے دشمنوں كی ان اوچھی حركتوں سے پریشان نہ ہوا كرو۔ بلكہ اللہ پر بھروسہ ركھو اس لیے كہ تمام معاملات كا اختیار اسی كے ہاتھ میں ہے اور وہی ہر چیز پر قادر ہے نہ كہ یہود ومنافقین جو تمہیں تباہ و برباد كرنا چاہتے ہیں۔