ظہار سے نہ طلاق واقع ہوتی ہے نہ بیوی ماں بن جاتی ہے: حقیقت یہ ہے كہ صرف منہ سے كہنے سے بیوی ماں نہیں بن جاتی بلكہ بیوی ہی رہتی ہے۔ اس لیے كہ مائیں تو صرف وہ ہیں جنھوں نے تمہیں جنا۔ اب جو تم انھیں ماں كہہ كر واقعی ماں سمجھ بیٹھتے ہو تو یہ ایك خلاف واقعہ، خلاف حقیقت اور جھوٹی بات ہے جس كا حقیقت سے كچھ تعلق نہیں۔ اللہ نے تم پر بہت رحم فرما كر اس رسم كو ختم كر دیا ہے اور آئندہ جو شخص ایسی باتوں سے باز رہے گا تو اس كے سابقہ گناہوں كو معاف بھی كر دینے والا ہے۔