سورة النسآء

وَمَن يَعْصِ اللَّهَ وَرَسُولَهُ وَيَتَعَدَّ حُدُودَهُ يُدْخِلْهُ نَارًا خَالِدًا فِيهَا وَلَهُ عَذَابٌ مُّهِينٌ

اور جو شخص اللہ اور اس کے رسول کی نافرمانی کرے گا اور اس کی مقرر کی ہوئی حدود سے تجاوز کرے گا، اسے اللہ دوزخ میں داخل کرے گا جس میں وہ ہمیشہ رہے گا، اور اس کو ایسا عذاب ہوگا جو ذلیل کر کے رکھ دے گا۔

اگرچہ یہاں میراث کے احکام بیان ہوئے ہیں مگر حکم عام ہے خواہ یتیموں کے حقوق ہوں۔ عورتوں کے ہوں وصیت سے تعلق رکھتے ہوں یا دوسرے ضابطے ہوں جو بھی اللہ تعالیٰ نے حدود مقرر کردی ہیں اور اگر ان سے کوئی تجاوز یا کمی بیشی کرے گا وہ ہمیشہ کے لیے جہنم کے عذاب میں مبتلا رہے گا۔