سورة النسآء

تِلْكَ حُدُودُ اللَّهِ ۚ وَمَن يُطِعِ اللَّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَذَٰلِكَ الْفَوْزُ الْعَظِيمُ

یہ اللہ کی مقرر کی ہوئی حدود ہیں، اور جو شخص اللہ اور اس کے رسول کی اطاعت کرے گا، وہ اس کو ایسے باغات میں داخل کرے گا جن کے نیچے نہریں بہتی ہوں گی، ایسے لوگ ہمیشہ ان (باغات) میں رہیں گے، اور یہ زبردست کامیابی ہے۔

اللہ تعالیٰ نے وراثت کے معاملات کو تفصیل سے بیان کرکے فرمایا ہے کہ یہ اللہ کی حدود ہیں ان میں ردوبدل کی کسی کو کوئی گنجائش نہیں۔ اور جو اللہ اور اس کے رسول کی اطاعت کرے گا وہ جنت کا حقدار ہوگا۔