يَا مَعْشَرَ الْجِنِّ وَالْإِنسِ إِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا ۚ لَا تَنفُذُونَ إِلَّا بِسُلْطَانٍ
اے مجمع جن وانس اگر تمہاری طاقت میں ہے کہ زمین اور آسمانوں کے مدبرات وملکوت کے اندر سے اپنی راہ پیدا کرکے آگے نکل جاؤ تو ترقی کی اس انتہا کے لیے بھی کوشش کردیکھو، مگر بغیر سلطان الٰہی کے کچھ بھی نہ کرسکو گے اور یاد رکھو کہ وہ قوت تمہارے بس میں نہیں
یہ تہدید بھی نعمت ہے كہ اس سے بدکار بدكاریوں سے باز آجائے اور محسن زیادہ نیكیاں كمائے، یعنی اللہ كی تقدیر اور قضا سے تم بھاگ كر كہیں جا سكتے ہو تو چلے جاؤ، لیكن یہ طاقت كس میں ہے، اور بھاگ كر آخر كہاں جاؤ گے، كون سی جگہ ایسی ہے جو اللہ كے اختیار سے باہر ہو جہاں جاؤ گے اسی كی سلطنت ہے۔ حقیقتاً یہ واقع ہوگا میدان محشر میں كہ مخلوقات كو ہر طرف سے فرشتے احاطہ كیے ہوئے ہوں گے چاروں جانب ان كی سات سات صفیں ہوں گی كوئی شخص بغیر دلیل كے ادھر سے ادھر نہ ہو سكے گا۔ اور دلیل سوائے امر الٰہی حكم خدا كے اور كچھ نہیں۔ انسان اس دن كہے گا كہ بھاگنے كی جگہ كدھر ہے؟ لیكن جواب ملے گا كہ آج تو رب كے سامنے ہی كھڑا ہونے كی جگہ ہے۔ جیسا كہ سورئہ یونس (۲۷) میں ہے: ﴿وَ الَّذِيْنَ كَسَبُوا السَّيِّاٰتِ﴾ ’’برائیاں كرنے والوں كو ان كی برائیوں كے مانند سزا ملے گی، ان پر ذلت سوار ہوگی اور اللہ كی پكڑ سے پناہ دینے والا كوئی نہ ہوگا۔ ان كے منہ مثل اندھیری رات كے ٹكروں كے ہوں گے یہ جہنمی گروہ ہے جو ہمیشہ جہنم میں ہی رہے گا۔‘‘ (تفسیر طبری: ۲۲/ ۵۴) پس تم اپنے رب كی كون كون سی نعمتوں كوجھٹلاؤ گے، یہ تہدید بھی ایك نعمت ہے۔