سورة القمر

كَذَّبَتْ قَوْمُ لُوطٍ بِالنُّذُرِ

لوط کی قوم نے بھی تنبیہ کرنے والوں کی تکذیب کی

قوم لوط پر عذاب: لوطیوں (قوم لوط) نے بھی اپنے رسولوں کا انکار کیا، اور ان کی مخالفت کر کے ایسا ایک مکروہ کام کیا جو ان سے پہلے کسی نے نہ کیا۔ اسی لیے ان کی ہلاکت بھی انوکھی صورت میں ہوئی۔ اللہ تعالیٰ کے حکم سے حضرت جبرائیل علیہ السلام نے ان کی بستیوں کو اٹھا کر آسمان کے قریب پہنچا کر اوندھی مار دیں اور ان پر آسمان سے ان کےنام کے پتھر برسائے۔ مگر لوط کے ماننے والوں کو سحر کے وقت یعنی رات کی آخری گھڑی میں بچا لیا۔