سورة الطور - آیت 43

أَمْ لَهُمْ إِلَٰهٌ غَيْرُ اللَّهِ ۚ سُبْحَانَ اللَّهِ عَمَّا يُشْرِكُونَ

ترجمہ ترجمان القرآن - مولانا ابوالکلام آزاد

یا پھر خدا کے سوا ان کا کوئی اور معبود ہے اگر یہی بات ہے تو یقین کرو کہ الہ تعالیٰ کی ذات ان کے شرک سے پاک ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

پھر فرمایا کیا اللہ کے سوا ان کے اور معبود ہیں؟ اللہ کی عبادت میں یہ بتوں اور دوسری چیزوں کو کیوں شریک کرتے ہیں۔ اللہ تو شرک سے پاک ہے۔ اور مشرکوں کے اس فعل سے سخت بیزار ہے۔