سورة آل عمران

فَإِن كَذَّبُوكَ فَقَدْ كُذِّبَ رُسُلٌ مِّن قَبْلِكَ جَاءُوا بِالْبَيِّنَاتِ وَالزُّبُرِ وَالْكِتَابِ الْمُنِيرِ

(اے پیغمبر) اگر پھر بھی یہ لوگ تمہیں جھٹلائیں تو (یہ کوئی نئی بات نہیں) تم سے پہلے بھی بہت سے ان رسولوں کو جھٹلایا جاچکا ہے جو کھلی کھلی نشانیاں بھی لائے تھے، لکھے ہوئے صحیفے بھی اور ایسی کتاب بھی جو (حق کو) روشن کردینے والی تھی۔

اس آیت میں نبی صلی اللہ علیہ وسلم کو تسلی دی جارہی ہے کہ بنی اسرائیل کی تاریخ گواہ ہے کہ کوئی نبی ایسا نہیں جس کو انھوں نے جھٹلایا نہیں۔ حالانکہ وہ رسول معجزات، نصیحت نامے اور جامع کتابیں لے کر آتے تھے۔ پھر اگر آپ صلی اللہ علیہ وسلم کو بھی یہ جھٹلا رہے ہیں تو آپ ان کی طرف توجہ نہ دیں یہ تو رسالت کے راستے کی مشکلات ہیں۔ آپ صلی اللہ علیہ وسلم صبر سے کام لیجئے۔