سورة آل عمران - آیت 177

إِنَّ الَّذِينَ اشْتَرَوُا الْكُفْرَ بِالْإِيمَانِ لَن يَضُرُّوا اللَّهَ شَيْئًا وَلَهُمْ عَذَابٌ أَلِيمٌ

ترجمہ ترجمان القرآن - مولانا ابوالکلام آزاد

جن لوگوں نے ایمان کے بدلے کفر کو مول لے لیا ہے وہ اللہ کو ہرگز ذرا بھی نقصان نہیں پہنچا سکتے، اور ان کے لیے ایک دکھ دینے والا عذاب (تیار ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

جن لوگوں نے ایمان بیچ کر کفر خریدلیا۔ اللہ کا اس سے کچھ نقصان نہیں ہے۔ بلکہ ان ہی کے لیے دردناک عذاب ہے جن لوگوں کے لیے دنیا بڑی سعادت و خوش بختی ہے اور مال ہی سب کچھ ہے وہ دنیا پر ایمان لے آتا ہے اور کفر خریدلیتا ہے۔ سب کچھ دنیا پر لگادیا آخرت کے لیے کچھ نہیں لگایا۔ اور جن لوگوں کے لیے آخرت کی جوابدہی بڑی ہوجائے تو مسلمان پھر کسی بات پر سمجھوتہ نہیں کرسکتا۔