سورة الحجرات

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

مومن تو ایک دوسرے کے بھائی ہیں لہذا اپنے دو بھائیوں کے درمیان صلح کو قائم رکھو وار اللہ سے ڈرو۔ یہ امید کرتے ہوئے کہ تم پر اللہ کی رحمت ہو (٤)۔

جب تم صلح کرانے لگو تو اس بات کو ملحوظ رکھو کہ تم دو بھائیوں میں صلح کرا رہے ہو۔ لہٰذا پورے عدل و انصاف کو ملحوظ رکھ کر اور اللہ سے ڈرتے ہوئے یہ کام سر انجام دو۔ کہ نہ کسی فریق سے زیادتی ہو نہ کسی کی حق تلفی ہو۔ اگر تم ان کے درمیان عدل و انصاف سے صلح کرا دو گے تو اللہ تعالیٰ یقیناً تم پر مہربانی فرمائے گا کہ اللہ انصاف کرنے والوں کو پسند کرتا ہے۔ اور وہ انصاف کرنے والوں کو بہترین جزا دے گا۔