سورة الفتح - آیت 14

وَلِلَّهِ مُلْكُ السَّمَاوَاتِ وَالْأَرْضِ ۚ يَغْفِرُ لِمَن يَشَاءُ وَيُعَذِّبُ مَن يَشَاءُ ۚ وَكَانَ اللَّهُ غَفُورًا رَّحِيمًا

ترجمہ ترجمان القرآن - مولانا ابوالکلام آزاد

تمام آسمانوں اور زمین کی سلطنت کا مالک اللہ ہی ہے وہ جسے چاہے معاف کردے اور جسے چاہے عذاب کرے اور اللہ بڑا بخشنے والا نہایت مہربان ہے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی وہ جسے چاہے فائدہ پہنچا سکتا ہے خواہ حالات اس کے برعکس نظر آ رہے ہوں ۔ اسی طرح وہ جسے چاہے ذلیل و رسوا کر سکتا ہے۔ اس لیے کہ یہ کائنات ساری کی ساری اس کی مملوک ہے۔ اور ظاہر اور باطنی اسباب اسی کے قبضہ قدرت میں ہیں۔ جن میں وہ ہر طرح سے تصرف کر سکتا ہے اور بخشش اور عذاب پر قادر وہ ہی ہے۔ لیکن جو اس طرف جھکے اس کی طرف مائل ہو وہ غفور الرحیم بھی ہے۔