سورة محمد - آیت 25

إِنَّ الَّذِينَ ارْتَدُّوا عَلَىٰ أَدْبَارِهِم مِّن بَعْدِ مَا تَبَيَّنَ لَهُمُ الْهُدَى ۙ الشَّيْطَانُ سَوَّلَ لَهُمْ وَأَمْلَىٰ لَهُمْ

ترجمہ ترجمان القرآن - مولانا ابوالکلام آزاد

دراصل جو لوگ ہدایت کے ان کے سامنے واضح ہوجانے کے بعد اس سے پھر گئے ان کے لیے شیطان نے یہ بات آراستہ کردکھائی ہے اور جھوٹی امیدوں کاسلسلہ ان کے لیے درواز کررکھا ہے

تسہیل البیان فی تفسیر القرآن - ام عمران شکیلہ بنت میاں فضل حسین

جو لوگ ہدایت ظاہر ہو چکنے کے بعد ایمان سے الگ ہو گئے۔ دراصل شیطان نے انھیں دھوکے میں ڈال رکھا ہے کہ اگر تم نے جہاد میں شرکت کی تو یہ اپنی موت کو خود دعوت دینے کے مترادف ہے۔ علاوہ ازیں مال کا بھی نقصان ہو گا۔ پھر اگر مسلمانوں کو فتح ہو بھی جائے تو موت کی صورت میں انھیں کیا فائدہ ہو گا لہٰذا مالی نقصان سے بچنے، اپنی جان سلامت رکھنے اور تادیر زندہ رہنے کا نسخہ کیمیا یہی ہے کہ جہاد سے گریز کی راہ اختیار کی جائے۔