سورة الأحقاف

قَالُوا يَا قَوْمَنَا إِنَّا سَمِعْنَا كِتَابًا أُنزِلَ مِن بَعْدِ مُوسَىٰ مُصَدِّقًا لِّمَا بَيْنَ يَدَيْهِ يَهْدِي إِلَى الْحَقِّ وَإِلَىٰ طَرِيقٍ مُّسْتَقِيمٍ

انہوں نے (جاکر) کہا اے ہماری قوم کے لوگو۔ ہم ایک ایسی کتاب سن کرآئے ہیں جو موسیٰ کے بعد نازل کی گئی ہے وہ اپنے سے پہلے کی تمام آسمانی کتابوں کی تصدیق کرنے والی ہے اور وہ کتاب حق اور راہ راست کی طرف رہنمائی کرتی ہے۔

جنوں نے اپنی قوم کو نبی صلی اللہ علیہ وسلم کی رسالت پر ایمان لانے کی دعوت دی انھوں نے اپنی قوم سے کہا کہ ہم نے اس کتاب کو سنا ہے جو حضرت موسیٰ علیہ السلام کے بعد نازل ہوئی یعنی تورات کے بعد ایک اور آسمانی کتاب جو سچے دین کی طرف راہنمائی کرتی ہے۔ اس کو سنا ہے۔