کائنات کی دوسری نشانی، انسان کی تخلیق کی اندرونی اور بیرونی ساخت: یعنی اگر انسان خود اپنے جسم کی اندرونی ساخت پر غور کرے تو اسے بہت کچھ حاصل ہو سکتا ہے۔ اس کے اعضاء کی بیرونی ساخت۔ اس کے اندر بے شمار خود کار مشینوں کا کام کرنا، تکلیف کی صورت میں خود طبیعت کا مقابلہ کرنا، پھر انسان کے اندر جو جو قوتیں، اور جو جو جذبات رکھ دئیے گئے ہیں ان میں سے کسی ایک بات پر غور کرنے سے انسان کو اللہ تعالیٰ کی قدرتوں کا اعتراف کیے بغیر کوئی چارہ نہیں ہوتا۔