سورة الدخان

كَمْ تَرَكُوا مِن جَنَّاتٍ وَعُيُونٍ

(پھر دیکھو گے وہ کون لوگ تھے؟ ان کی کسی شان وشوکت تھی؟ کیسا جاہ وجلال تھا؟ کیساگھمنڈ اور کیسی شرارتوں سے بھری ہوئی صدائیں تھی؟ لیکن خدا کے عذاب سے بالآخر انہیں کوئی طاقت بچانہ سکی) کس قدر سرسبز باغ، کیسی کیسی نہریں

دریائے نیل کے دونوں طرف باغات اور کھیتوں کی کثرت تھی۔ عالی شان مکانات اور خوش حالی کے آثار تھے۔ بڑے امن چین کی زندگی گزار رہے تھے۔ لیکن مفرور ہو گئے تھے۔ اور آخر ساری نعمتیں یونہی چھوڑ کر تباہ کر دئیے گئے۔ مال و اولاد جاہ و مال، سلطنت و عزت ایک ہی رات میں چھوڑ گئے۔ اور گزشتہ کل کی طرح بے نشان کر دئیے گئے۔ ایسے ڈبوئے کہ ابھر نہ سکے۔ جہنم واصل ہو گئے۔