سورة آل عمران

بَلِ اللَّهُ مَوْلَاكُمْ ۖ وَهُوَ خَيْرُ النَّاصِرِينَ

(یہ لوگ تمہارے خیر خواہ نہیں) بلکہ اللہ تمہارا حامی و ناصر ہے، اور وہ بہترین مددگار ہے۔

مسلمانوں کا مولا اللہ ہے اور جس کا مولا اللہ ہو اس کو کسی کی مدد کی ضرورت نہیں ہوتی۔ یہ بات مسلمانوں کو اُحد کی شکست کے بعد بعض کفار کہہ رہے تھے کہ اپنے آبائی دین کی طرف لوٹ آؤ۔ ایسے میں مسلمانوں کو کہا گیا کہ کافروں کی اطاعت ہلاکت اور خسارے کا باعث ہے کامیابی اللہ کی اطاعت میں ہی ہے اور اس سے بہتر کوئی مددگار نہیں۔