سورة الزخرف

وَمَن يَعْشُ عَن ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ

اور جو خدا کی یاد سے غافل ہوتا ہے ہم اسپر ایک شیطان مسلط کردیتے ہیں پھر وہی اس کا ساتھی ہوتا ہے

ومن یعش: اور جو رحمٰن کے ذکر سے آنکھیں بند کر لے۔ عربی میں آنکھ کی بینائی کو عَشی فی العین (یعنی بینائی کی کمی) کہتے ہیں، اللہ تعالیٰ فرماتا ہے کہ جو شخص اللہ کے یہاں سے آئی ہوئی نصیحت یا قرآن سے عمداً بے نیاز رہنا چاہتا ہے اس پر ایک شیطان خصوصی طور پر مسلط کر دیا جاتا ہے۔ جو ہر وقت اس کے ساتھ رہتا ہے۔ اس کے دل میں وسوسے ڈالتا ہے۔ اور اللہ کی یاد سے غافل کیے رکھتا ہے حتیٰ کہ اسے دوزخ تک پہنچا کر چھوڑتا ہے۔