سورة آل عمران

وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ

(مسلمانو) تم نہ تو کمزور پڑو، اور نہ غمگین رہو، اگر تم واقعی مومن رہو تو تم ہی سربلند ہوگے۔ (٤٥)

گزشتہ جنگ میں جو تمہیں نقصان پہنچا ہے اس سے نہ تم سست ہو اور نہ غم ہی کھاؤ، کیونکہ اگر تمہارے اندر ایمانی قوت موجود رہی اور توکل اور صبر سے کام لیا، تو غالب و کامران تم ہی رہو گے، اس میں اللہ تعالیٰ نے مسلمانوں کی اصل قوت کا راز اور انکی کامیابی کی بنیاد واضح کردی، چنانچہ یہ واقعہ ہے کہ اس کے بعد مسلمان ہر معرکہ میں سرخروہی رہے۔