سورة غافر - آیت 70

الَّذِينَ كَذَّبُوا بِالْكِتَابِ وَبِمَا أَرْسَلْنَا بِهِ رُسُلَنَا ۖ فَسَوْفَ يَعْلَمُونَ

ترجمہ ترجمان القرآن - مولانا ابوالکلام آزاد

یہ وہ لوگ ہیں جنہوں نے اس کتاب کی اور تمام کتابوں کی تکذیب کی جنہیں ہم نے اپنے رسولوں کو دے کربھیجا تھا سویہ لوگ عنقریب جان لیں گے

تسہیل البیان فی تفسیر القرآن - ام عمران شکیلہ بنت میاں فضل حسین

پھر اللہ تعالیٰ انہیں ڈرا رہا ہے کہ ہدایت اور بھلائی کو جھوٹ جاننے والے، کلام اللہ اور کلام رسول کے منکر اپنا انجام ابھی دیکھ لیں گے جب کہ گردنوں میں طوق اور زنجیریں پڑی ہوئی ہوں گی۔ اور داروغہ جہنم گھسیٹے گھسیٹے پھر رہے ہوں گے جب اہل دوزخ مشرکوں کو پیاس لگے گی تو فرشتے ان کو گھسیٹتے ہوئے ایسے مقام پر لے جائیں گے جہاں گرم پانی کے چشمے اُبل رہے ہوں گے۔ انھیں وہاں سے گرم پانی پلانے کے بعد پھر اپنے اصل مقام پر لا کر دوزخ میں جھونک دیا جائے گا۔