سورة غافر - آیت 57

لَخَلْقُ السَّمَاوَاتِ وَالْأَرْضِ أَكْبَرُ مِنْ خَلْقِ النَّاسِ وَلَٰكِنَّ أَكْثَرَ النَّاسِ لَا يَعْلَمُونَ

ترجمہ ترجمان القرآن - مولانا ابوالکلام آزاد

آسمانوں اور زمین کاپیدا کرنا انسان کے پیدا کرنے سے یقینا بڑا کام ہے مگر اکثر لوگ جانتے نہیں ہیں

تسہیل البیان فی تفسیر القرآن - ام عمران شکیلہ بنت میاں فضل حسین

انسان کی دوبارہ پیدائش کے دلائل: اللہ تعالیٰ فرماتا ہے کہ مخلوق کو وہ قیامت کے دن ضرور نئے سرے سے پیدا کرے گا۔ جب کہ اس نے آسمان و زمین جیسی عظیم الجثۃ مخلوق کو پیدا کر دیا، تو انسان پیدا کرنا یا بگاڑ کر بنانا اس پر کیا مشکل ہے؟ یہ گویا عقلی دلیل ہوئی کہ ایسا ہونا یقینا ممکن ہے۔