سورة الزمر

إِنَّا أَنزَلْنَا إِلَيْكَ الْكِتَابَ بِالْحَقِّ فَاعْبُدِ اللَّهَ مُخْلِصًا لَّهُ الدِّينَ

یہ کتاب ہم نے آپ کی طرف نازل کی ہے لہذا آپ اللہ تعالیٰ کی عباد کیجئے اسی کے لیے دین کو خالص کرتے ہوئے (٢)۔

یعنی تجھے چاہیے کہ خود اللہ کی عبادتوں میں اور اس کی توحید میں مشغول رہ کر ساری دنیا کو اس طرف بلاؤ کیوں کہ اس اللہ کے سوا کوئی عبادت کے لائق نہیں وہ بے مثال ہے۔ اس کا کوئی شریک نہیں دین خالص وہی ہے۔ اس کتاب میں توحید و رسالت، معاد اور احکام و فرائض کا جو اثبات کیا گیا ہے۔ وہ سب حق ہے اور انہی کے ماننے اور اختیار کرنے میں انسان کی نجات ہے۔