سورة آل عمران

وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ

جو کوئی شخص اسلام کے سوا کوئی اور دین اختیار کرنا چاہے گا تو اس سے وہ دین قبول نہیں کیا جائے گا، اور آخرت میں وہ ان لوگوں میں شامل ہوگا جو سخت نقصان اٹھانے والے ہیں۔

اس آیت میں پہلی بات کو ہی دوسرے الفاظ میں دوہرایا گیا ہے یعنی دور نبوی صلی اللہ علیہ وآلہ وسلم کے یہود و نصاریٰ کی زبانوں سے اس امر کی شہادت ادا ہوچکی تھی کہ آپ صلی اللہ علیہ وآلہ وسلم جو تعلیم لائے ہیں وہ وہی ہے جو سابقہ انبیاء کی تھی اس کے بعد انھوں نے جو مخالفت کی تو اس کی وجہ تعصب اور مفاد پرستی تھی۔ لہٰذا ایسے لوگوں کا کوئی عمل بھی قابل قبول نہ ہوگا اور آخرت میں ان کے لیے خسارہ ہی خسارہ ہے جس کے بدلے انھیں دردناک عذاب برداشت کرنا ہوگا۔