سورة فاطر - آیت 24

إِنَّا أَرْسَلْنَاكَ بِالْحَقِّ بَشِيرًا وَنَذِيرًا ۚ وَإِن مِّنْ أُمَّةٍ إِلَّا خَلَا فِيهَا نَذِيرٌ

ترجمہ ترجمان القرآن - مولانا ابوالکلام آزاد

یقینا ہم ہی نے آپ کو حق دے کر بشارت دینے والا اور ڈرانے والا بناکر بھیجا ہے اور کوئی قوم دنیا کی ایسی نہیں جس میں (بدعملیوں کے نتائج سے) متنبہ کرنے والا کوئی رسول نہ گزرا ہوا

تسہیل البیان فی تفسیر القرآن - ام عمران شکیلہ بنت میاں فضل حسین

حضرت آدم علیہ السلام سے لے کر آج تک ہر امت میں رسولآتا رہا ہے۔ تاکہ عذر باقی نہ رہے۔ جیسے سوہ رعد (۷) میں فرمایا ﴿وَلِکُلِّ قَوْمٍ ھَادٍ﴾ ہر قوم کے لیے ہادی ہے۔ سورہ نحل میں فرمایا ارشاد ہے: ﴿وَ لَقَدْ بَعَثْنَا فِيْ كُلِّ اُمَّةٍ رَّسُوْلًا اَنِ اعْبُدُوا اللّٰهَ﴾ ہم نے ہر امت میں رسول بھیجا کہ (لوگو!) صرف اللہ کی عبادت کرو۔