سورة السجدة - آیت 24

وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا ۖ وَكَانُوا بِآيَاتِنَا يُوقِنُونَ

ترجمہ ترجمان القرآن - مولانا ابوالکلام آزاد

اور ہم نے بنی اسرائیل میں سے جب انہوں نے صبر کیا اور ہماری آیتوں پریقین کیے رہے پیشوا پیدا کیے جو ہمارے حکم سے رہنمائی کرتے تھے

تسہیل البیان فی تفسیر القرآن - ام عمران شکیلہ بنت میاں فضل حسین

اس آیت میں صبر کی فضیلت واضح ہے۔ صبر کا مطلب ہے کہ اللہ کے اوامر بجا لانے میں اور منکرات کو ترک کرنے میں اور اللہ کے رسولوں کی تصدیق اور ان کی اتباع کرنے میں جو تکلیفیں آئیں انھیں خندہ پیشانی سے جھیلنا۔ اللہ نے فرمایا ان کے صبر کرنے اور آیات الٰہی پر یقین رکھنے کی وجہ سے ہم نے ان کو دینی امامت اور پیشوائی کے منصب پر فائز کیا۔ لیکن جب انھوں نے اس کے برعکس تبدیل و تحریف کا ارتکاب شروع کر دیا۔ تو ان سے یہ مقام سلب کر لیا گیا۔ چنانچہ اس کے بعد ان کے دل سخت ہو گئے۔ پھر نہ ان کا عمل صالح رہا نہ ان کا اعتقاد صحیح رہا۔ (احسن البیان)