أَفَمَن كَانَ مُؤْمِنًا كَمَن كَانَ فَاسِقًا ۚ لَّا يَسْتَوُونَ
کیا ایک مومن بندے کے اعمال ونتائج ایسے ہوسکتے ہیں جیسے ایک نافرمان اور فاسق کے؟ کیا دونوں برابر ہیں؟ (٥) ہرگز نہیں۔
نیک و بدہم پلہ نہیں ہو سکتے: اللہ کے نزدیک نیک کار اور بدکار برابر نہیں سورہ جاثیہ (۲۱) ارشاد ہے: ﴿اَمْ حَسِبَ الَّذِيْنَ اجْتَرَحُوا السَّيِّاٰتِ اَنْ نَّجْعَلَهُمْ كَالَّذِيْنَ اٰمَنُوْا وَ عَمِلُوا الصّٰلِحٰتِ سَوَآءً مَّحْيَاهُمْ وَ مَمَاتُهُمْ سَآءَ مَا يَحْكُمُوْنَ﴾ کیا ان لوگوں نے جو برائیاں کر رہے ہیں یہ سمجھ رکھا ہے۔ کہ ہم انھیں ایمان اور نیک عمل والوں کی مانند کر دیں گے؟ اور فرمایا: ﴿اَمْ نَجْعَلُ الَّذِيْنَ اٰمَنُوْا وَ عَمِلُوا الصّٰلِحٰتِ كَالْمُفْسِدِيْنَ فِي الْاَرْضِ اَمْ نَجْعَلُ الْمُتَّقِيْنَ كَالْفُجَّارِ﴾ (ص: ۲۸) ایمان دار نیک عمل لوگوں کو کیا ہم زمین میں فسادیوں کے ہم پلہ کر دیں گے۔ پرہیز گاروں اور گناہگاروں کو برابر کر دیں گے۔ (ابن کثیر)