سورة العنكبوت - آیت 19

أَوَلَمْ يَرَوْا كَيْفَ يُبْدِئُ اللَّهُ الْخَلْقَ ثُمَّ يُعِيدُهُ ۚ إِنَّ ذَٰلِكَ عَلَى اللَّهِ يَسِيرٌ

ترجمہ ترجمان القرآن - مولانا ابوالکلام آزاد

کیا انہوں نے دیکھا نہیں ہے کہ اللہ کس طرح مخلوق کو پہلی بار پیدا کرتا ہے پھر اس کو دوبارہ پیدا کرے گا؟ یقینا یہ (اعادہ تو) اللہ کے لیے نہایت آسان ہے

تسہیل البیان فی تفسیر القرآن - ام عمران شکیلہ بنت میاں فضل حسین

توحید و رسالت کے اثبات کے بعد یہاں معاد یعنی آخرت کااثبات کیاجارہاہے۔جس کاکفارانکارکرتے تھے۔فرمایاپہلی مرتبہ پیداکرنے والابھی وہی ہے،جب سرے سے تمہاراوجودہی نہ تھاپھرتم دیکھنے،سننے اورسمجھنے والے بن گئے اورپھرجب مرکرمٹی میں مل جاؤگے،بظاہرتمہارانام ونشان تک نہیں رہے گا،اللہ تعالیٰ تمہیں دوبارہ زندہ فرمائے گا۔یہ بات چاہے تمہیں جتنی بھی مشکل لگے لیکن اللہ کے لیے بالکل آسان ہے۔