سورة النمل - آیت 73

وَإِنَّ رَبَّكَ لَذُو فَضْلٍ عَلَى النَّاسِ وَلَٰكِنَّ أَكْثَرَهُمْ لَا يَشْكُرُونَ

ترجمہ ترجمان القرآن - مولانا ابوالکلام آزاد

اور (اے پیغمبر) تمہارا پروردگار انسان کے لیے بڑاہی فضل رکھنے والا ہے (کہ ہر حال میں اصلاح وتلافی کی مہلت دیتا ہے) لیکن (افسوس انسان کی غفلت پر) بیشتر ایسے ہیں کہ اس کے فضل و رحمت سے فائدہ اٹھانے کی جگہ اس کی ناشکری کرتے ہیں (١٣)

تسہیل البیان فی تفسیر القرآن - ام عمران شکیلہ بنت میاں فضل حسین

یعنی اگرعذاب آنے میں کچھ تاخیرہورہی ہے تووہ اس لیے نہیں کہ یہ لوگ عذاب کے مستحق نہیں بلکہ اس لیے ہے کہ اللہ تعالیٰ کے فضل ورحمت کاتقاضا یہ ہے کہ ابھی انہیں سوچنے سمجھنے کے لیے کچھ مہلت اوردی جائے۔اب چاہیے تویہ تھاکہ یہ اللہ تعالیٰ کے اس مہلت دینے پراس کاشکراداکرتے،یہ اُلٹاعذاب کے واقع ہونے کاہی مذاق اڑانے اوراسے جھٹلانے پرلگے ہیں۔