سورة آل عمران

كَدَأْبِ آلِ فِرْعَوْنَ وَالَّذِينَ مِن قَبْلِهِمْ ۚ كَذَّبُوا بِآيَاتِنَا فَأَخَذَهُمُ اللَّهُ بِذُنُوبِهِمْ ۗ وَاللَّهُ شَدِيدُ الْعِقَابِ

ان لوگوں کا بھی وہی ڈھنگ ہوا جو فرعون کے گروہ کا تھا، اور ان لوگوں کا تھا جو اس سے پہلے گزر چکے ہیں۔ انہوں نے اللہ کی نشانیاں جھٹلائیں۔ تو اللہ نے بھی پاداش عمل میں انہیں پکڑ لیا اور (یاد رکھو) وہ (جرموں میں کی سزا دینے میں) بہت ہی سخت سزا دینے والا ہے

آیت نمبر ۱۰میں جیسے آل فرعون اور دوسری قوموں کی بربادی کا ذکر کیا گیا ہے۔ اس آیت میں بھی اللہ تعالیٰ نے انسانی نفسیات کو جھنجھوڑا ہے کہ جس نے ہماری آیات کو جھٹلایا اور کفر کیا ان کا حشر بھی ان جیسا ہی ہوگا اس لیے سبق حاصل کرنا چاہیے کہ وہ سزا دینے والا ہے اور وہ شدت سے عذاب دے گا۔