سورة الشعراء

فَأَلْقَىٰ مُوسَىٰ عَصَاهُ فَإِذَا هِيَ تَلْقَفُ مَا يَأْفِكُونَ

پھر موسیٰ نے اپنا عصا ڈالا تو اس نے یکایک جو سانگ وہ بنارہے تھے اس کو نگلنا شروع کردیا

اللہ تعالیٰ نے موسیٰ علیہ السلام کو وحی کی کہ فوراً اپنا عصا ڈال دو، چنانچہ آپ نے عصا ڈالا تو وہ نہ صرف حرکت کر رہا تھا بلکہ جادوگروں کے بنائے ہوئے تمام سانپوں کو اپنا لقمہ اجل بھی بنائے جا رہا تھا۔ حتیٰ کہ تمام میدان ایسے بناؤٹی سانپوں سے خالی ہوگیا۔