سورة الشعراء

قَالَ رَبُّكُمْ وَرَبُّ آبَائِكُمُ الْأَوَّلِينَ

موسی نے کہا وہ تمہارا بھی رب ہے اور تمہارے ان آباء واجداد کا بھی جو پہلے گزر چکے ہیں

درباریوں کے جواب دینے سے پہلے ہی موسیٰ علیہ السلام نے بھرے دربار میں فرعون سے مخاطب ہو کر کہا کہ رب وہ ہے جو سب کا خالق ہے، سب کا مالک ہے، سب پر قادر ہے، سب کا معبود ہے۔ یکتا ہے، اکیلا ہے، اس کا کوئی شریک نہیں۔ آسمان وزمین اور اس کے درمیان کی سب چیزیں اسی کی پیدا کی ہوئی ہیں۔ جس کا تمام تر وسائل پر براہ راست کنٹرول ہے، اگر وہ ایک سال یا چند سال بارش نہ برسائے تو تم رعیت تو درکنار اپنی خوراک تک کے لیے ترس جاؤ گے، رب العالمین وہ ہے جو خود تمہیں اور تمہارے سب آباء واجداد کو رزق دیتا ہے اور وہی تمہارا حقیقی پروردگار ہے اور میں اس رب العالمین کا رسول ہوں۔