سورة الفرقان

وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا

اور وہی ہے جس نے رات اور دن کو ایک دوسرے کا جانشین بنایا اس شخص کے لیے جونصیحت حاصل کرنا چاہتا ہو یا شکر بجالانا چاہتا ہو (١٥)۔

دن رات کے ایک دوسرے کے پیچھے آنے جانے میں بھی اس کی قدرت کا نظام ہے۔ یعنی رات جاتی ہے تو دن آجاتا ہے اور دن آتا ہے تورات چلی جاتی ہے۔ نہ سورج چاند سے آگے بڑھ سکتا ہے نہ رات دن سے سبقت لے سکے۔ اسی سے اس کے بندوں کو عبادتوں کے وقت معلوم ہوتے ہیں۔ اور تاکہ رات کا فوت شدہ عمل دن کو پورا کر لیں دن کا رہ گیا ہوا عمل رات کو پورا کر لیں۔ ایک حدیث میں وارد ہے کہ اللہ تعالیٰ رات کو اپنے ہاتھ پھیلاتا ہے تاکہ دن کا گناہ گار توبہ کر لے اور دن کو ہاتھ پھیلاتا ہے کہ رات کا گناہ گار توبہ کر لے۔ (مسلم: ۲۷۵۹)