سورة الفرقان - آیت 10

تَبَارَكَ الَّذِي إِن شَاءَ جَعَلَ لَكَ خَيْرًا مِّن ذَٰلِكَ جَنَّاتٍ تَجْرِي مِن تَحْتِهَا الْأَنْهَارُ وَيَجْعَل لَّكَ قُصُورًا

ترجمہ ترجمان القرآن - مولانا ابوالکلام آزاد

وہ ذات بڑی بابرکت ہے کہ وہ اگر چاہے تو ان کی تجویز کردہ چیزوں سے بھی آپ کو بہتر چیزیں عطا کردے اور آپ کو باغات عطا کردے جن کے نیچے نہریں بہ رہی ہوں اور آپ کو بڑے بڑے محل دے دے (٥)۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی اگر اللہ چاہے تو آپ کو ایک باغ کیا، ایسے بیسیوں باغ عطا کر سکتا ہے اسی طرح رہائش کے لیے ایک کیا بیسیوں محل بھی عطا کر سکتا ہے اور دوسری جن چیزوں کا یہ نام لیتے ہیں وہ بھی دینے پر قادر ہے مگر سوال یہ ہے کہ کیا پھر یہ لوگ ایمان لے آئیں گے؟