سورة النور - آیت 34

وَلَقَدْ أَنزَلْنَا إِلَيْكُمْ آيَاتٍ مُّبَيِّنَاتٍ وَمَثَلًا مِّنَ الَّذِينَ خَلَوْا مِن قَبْلِكُمْ وَمَوْعِظَةً لِّلْمُتَّقِينَ

ترجمہ ترجمان القرآن - مولانا ابوالکلام آزاد

(مسلمانو) ہم نے تمہارے لیے کھلے کھلے احکام نازل کردیے اور تم سے پہلے جو لوگ گزر چکے ہیں ان کی مثالیں بیان کردیں نیز ایسی باتیں بھی جن میں پرہیزگاروں کے لیے سرتاسر نصیحت ہے (٢٢)۔

تسہیل البیان فی تفسیر القرآن - ام عمران شکیلہ بنت میاں فضل حسین

واضح احکام: سے مراد وہ تمام احکام ہیں جو ابتدائے سورہ نور سے بیان ہو رہے ہیں۔ جیسے (۱) زنا اور قذف کی حد۔ (۲) لعان کا طریقہ (۳) معاشرہ کو فحاشی سے پاک رکھنے کے لیے احکام و ہدایات وغیرہ۔ پہلے لوگوں کی مثالیں: مثالیں بیان کرنے سے مراد کہ تمہیں معلوم ہو جائے کہ تم سے پہلے جن جن لوگوں نے اللہ کے احکامات سے سرتابی کی، تو ایسی قوموں کا کیا حشر ہوا۔ لہٰذا اللہ سے ڈرنے والوں کے لیے ان سابقہ نظائر میں بہت سے نصیحت آموز اسباب موجود ہیں۔