سورة المؤمنون

فَذَرْهُمْ فِي غَمْرَتِهِمْ حَتَّىٰ حِينٍ

پس (اے پیغمبر) ان منکروں کو ان کی غفلت و سرشاری میں پڑا رہنے دے، ایک مقررہ وقت تک (یہ اسی حالت میں رہیں گے پھر حقیقت حال کا فیصلہ ہوجائے گا جیسا کہ ہمیشہ ہوتا رہا ہے )

جن امتوں کی طرف انبیاء علیہم السلام بھیجے گئے تھے، انھوں نے اللہ کے دین کے ٹکڑے ٹکڑے کر دئیے اور جس گمراہی پر اڑ گئے، اسی پر نازاں و فرحاں ہو گئے، اسی کو اپنے نزدیک ہدایت سمجھ بیٹھے۔ پس بطور ڈانٹ کے فرمایا: انھیں ان کے بہکنے، بھٹکنے میں ہی چھوڑ دیجیے۔ یہاں تک کہ ان کی تباہی کا وقت آ جائے انھیں کھانے، پینے دیجیے، مست و بے خود ہونے دیجیے، ابھی ابھی حقیقت حال انھیں معلوم ہو جائے گی۔