سورة الأنبياء

قُلْ إِنَّمَا أُنذِرُكُم بِالْوَحْيِ ۚ وَلَا يَسْمَعُ الصُّمُّ الدُّعَاءَ إِذَا مَا يُنذَرُونَ

(اے پیغمبر) تو کہہ دے میری پکار اس کے سوا کچھ نہیں کہ اللہ کی وحی سے علم پاکر تمہیں متنبہ کر رہا ہوں اور (یاد رکھ) جو بہرے ہیں انہیں کتنا ہی خبردار کیا جائے کبھی سننے والے نہیں۔

اللہ تعالیٰ اپنے نبی سے فرماتے ہیں کہ آپ صلی اللہ علیہ وسلم ان سے کہیے کہ میں تو اللہ کی طرف کا مبلغ ہوں، جن جن عذابوں سے تمھیں خبردار کر رہا ہوں یہ اپنی طرف سے نہیں ہے بلکہ اللہ کا کہا ہوا ہے۔ ہاں جن کی آنکھیں اللہ نے اندھی کر دی ہیں اور جن کے دل و دماغ بند کر دیے ہیں۔ انھیں اللہ کی یہ باتیں سودمند نہیں پڑتیں، بہروں کو آگاہ کرنا بے کار ہے۔کیونکہ وہ تو سنتے ہی نہیں۔