سورة البقرة

وَقَاتِلُوا فِي سَبِيلِ اللَّهِ وَاعْلَمُوا أَنَّ اللَّهَ سَمِيعٌ عَلِيمٌ

اور (دیکھو) اللہ کی راہ میں (لڑائی پیش آجائے تو موت سے نہ ڈرو بے خوف ہو کر) لڑو ! اور یقین کرو اللہ سننے والا اور سب کچھ جاننے والا ہے

اس آیت میں مسلمانوں کو جہاد کا حکم دیاجا رہا ہے۔ اللہ تعالیٰ نے بنی اسرائیل کی خرابی کو بتا کر مسلمانوں کو سمجھایا ہے کہ موت سے ڈرو گے تو وہ تو ٹلنے والی نہیں۔ اس لیے اللہ جو حکم دے اُسے مان لینا چاہیے۔ اللہ کے ہر فیصلے میں حکمت ہوتی ہے۔ رسول اللہ كی بعثت کا تقاضا ہے کہ اپنی جان، مال، سب اللہ کی راہ میں لگادو اللہ کی خاطر بھاگو۔ جہاد کرو اللہ کی راہ میں۔ موت و حیات تو اللہ کے قبضے میں ہے اور موت کا وقت بھی متعین ہے جسے جہاد سے گریز وفرار کرکے تم ٹال نہیں سکتے۔