سورة البقرة

وَلِلْمُطَلَّقَاتِ مَتَاعٌ بِالْمَعْرُوفِ ۖ حَقًّا عَلَى الْمُتَّقِينَ

اور (یاد رکھو) جن عورتوں کو طلاق دے دی گئی ہو تو چاہیے کہ انہیں مناسب طریقہ پر فائدہ پہنچایا جائے (یعنی ان کے ساتھ جس قدر حسن سلوک کیا جاسکتا ہے کیا جائے) متقی انسانوں کے لیے ایسا کرنا لازمی ہے

یہ حکم عام ہے اور ہر مطلقہ عورت کے لیے ہے اور اس کی تاکید کردی گئی ہے کہ پرہیز گاروں کا یہ شیوہ نہیں ہوتا کہ وہ طلاق دے کر مطلقہ کو خالی ہاتھ گھر سے باہر کریں۔ اللہ تعالیٰ یہ سب کچھ تمہارے لیے واضح کرتا ہے تاکہ تم عقل سے کام لو۔ تقویٰ یعنی احسان کی روش اختیار کرو۔ حکم کو نافذ کرنے کے لیے لوگوں کے اندر اچھے جذبات کو اُبھارنا ضروری ہے اسی لیے اللہ تعالیٰ نے بار بار احسان کی تلقین کی ہے۔