سورة الكهف

الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ وَلَمْ يَجْعَل لَّهُ عِوَجًا ۜ

ساری ستائشیں اللہ کے لیے ہیں جس نے اپنے بند پر الکتاب اتاری (یعنی قرآن اتارا) اور اس میں کسی طرح کی بھی کجی نہ رکھی۔

یعنی اللہ تعالیٰ کے مستحق حمد وثنا ہونے کی ایک وجہ یہ بھی ہے کہ اس نے ایسی کتاب نازل فرمائی ہے جو اپنے مطلب صاف صاف بیان کرتی ہے۔ اس کے مطالب میں کوئی پیچ و خم ہے اور نہ اس کے انداز بیاں میں کوئی پیچیدگی یا اُلجھاؤ ہے۔