سورة البقرة - آیت 202
أُولَٰئِكَ لَهُمْ نَصِيبٌ مِّمَّا كَسَبُوا ۚ وَاللَّهُ سَرِيعُ الْحِسَابِ
ترجمہ ترجمان القرآن - مولانا ابوالکلام آزاد
تو یقین کرو ایسے ہی لوگ ہیں جنہیں ان کے عمل کے مطابق (دنیا و آخرت کی) فلاح میں حصہ ملنا ہے اور اللہ (کا قانون) اعمال کی جانچ میں سست رفتار نہیں (وہ ہر انسان کو اس کے عمل کے مطابق فورا نتیجہ دینے والا ہے)
تسہیل البیان فی تفسیر القرآن - ام عمران شکیلہ بنت میاں فضل حسین
یعنی ہر شخص کو اپنے اعمال کے مطابق بدلہ دیا جائے گا اچھے اعمال کا بدلہ اچھا اور بُرے اعمال کا بدلہ بُرا۔ اور اللہ جلد حساب لینے والا ہے۔