سورة الإسراء

رَّبُّكُمْ أَعْلَمُ بِكُمْ ۖ إِن يَشَأْ يَرْحَمْكُمْ أَوْ إِن يَشَأْ يُعَذِّبْكُمْ ۚ وَمَا أَرْسَلْنَاكَ عَلَيْهِمْ وَكِيلًا

تمہارا پروردگار تمہارے حال سے خوب واقف ہے وہ چاہے تو تم پر رحم کرے، چاہے تو عذاب میں ڈالے، اور (اے پیغبر) ہم نے تجھے ان لوگوں پر پاسبان بنا کر نہیں بھیجا ہے (کہ تو ان کے ہدایت پانے نہ پانے کے لیے جواب دہ ہو)

اللہ تعالیٰ اپنے بندوں کے حال سے بخوبی واقف ہے۔ وہ ہدایت کے مستحق لوگوں کو بخوبی جانتا ہے جس پر چاہتا ہے رحم کرتا ہے اپنی اطاعت کی توفیق دیتا ہے اور اپنی جانب جھکا لیتا ہے۔ اسی طرح جسے چاہے اس کی بد اعمالیوں پر پکڑ لیتا ہے اور سزا دیتا ہے۔ اللہ تعالیٰ اپنے نبی سے فرماتے ہیں کہ ہم نے تمھیں ان کا ذمہ دار نہیں بنایا۔ تیرا کام صرف ہو شیار کر دینا ہے۔ تیری بات ماننے والے جنتی ہوں گے اور نہ ماننے والے دوزخی ہوں گے۔