وَيَوْمَ نَبْعَثُ فِي كُلِّ أُمَّةٍ شَهِيدًا عَلَيْهِم مِّنْ أَنفُسِهِمْ ۖ وَجِئْنَا بِكَ شَهِيدًا عَلَىٰ هَٰؤُلَاءِ ۚ وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَىٰ لِلْمُسْلِمِينَ
اور وہ (آنے والا) دن جب ہم ہر ایک امت میں ایک گواہ (یعنی پیغمبر) اٹھا کھڑا کریں گے جو انہی میں سے ہوگا (اور جو بتلائے گا کہ کس طرحح اس نے پیام حق پہنچایا اور کس طرح لوگوں نے اس کا جواب دی) اور (اے پیغمبر) تجھے ان لوگوں کے لیے (جو آج تجھے جھٹلا رہے ہیں) گواہ بنائیں گے (یہی بات ہے کہ) ہم نے تجھ پر الکتاب نازل کی (دین کی) تمام باتیں بیان کرنے کے لیے اور اس لیے کہ مسلمانوں کے لیے رہنمائی ہو اور رحمت اور خوشخبری۔
اللہ تعالیٰ اپنے محترم پیغمبرسے فرمارہے ہیں کہ ہرنبی اپنی اُمت پرگواہی دے گا۔ چنانچہ ارشاد ہے: ﴿فَكَيْفَ اِذَا جِئْنَا مِنْ كُلِّ اُمَّةٍۭ بِشَهِيْدٍ وَّ جِئْنَا بِكَ عَلٰى هٰۤؤُلَآءِ شَهِيْدًا﴾ (النساء: ۴۱) ’’پھر کیا حال ہو گا جب ہم پراُمت میں سے گواہ لائیں گے اورتجھے ان سب پرگواہ بنا کر کھڑ اکریں گے۔ صحیح بخاری میں ہے۔حضورصلی اللہ نے ایک بارحضرت عبداللہ بن مسعودسے سورہ نساء پڑھوائی جب وہ اس آیت تک پہنچے توآپ صلی اللہ علیہ وسلم نے فرمایاکہ بس کہ کافی ہے،ابن مسعود رضی اللہ عنہ نے دیکھاکہ اس وقت آپ کی آنکھیں اشکبار تھیں۔ (بخاری: ۵۰۵۰) پھر فرمایا:اپنی اس اُتاری ہوئی کتاب میں آپ کے سامنے سب کچھ بیان فرمادیاہے۔ہرعلم اورہرشے اس قرآن میں موجودہے،(تفسیرطبری)۔ ہرحلال حرام، ہرایک نافع علم،ہربھلائی گزشتہ کی خبریں،آئندہ کے واقعات،دین،دنیا،معاش، سب کے ضروری احکام واحوال اس میں موجود ہیں، یہ دلوں کی ہدایت ہے، یہ رحمت ہے۔یہ بشارت ہے۔امام اوزاعی رحمت اللہ علیہ فرماتے ہیں کہ یہ کتاب وسنت رسول صلی اللہ علیہ وسلم کوملاکرہرچیزکابیان ہے۔اللہ تعالیٰ فرماتاہے کہ یہ کتاب جس نے آپ صلی اللہ علیہ وسلم پرنازل کی،اس کی تبلیغ فرض کی۔وہ قیامت کے دن آپ صلی اللہ علیہ وسلم سے اس کی بابت ضرورسوال کرے گاجیسے کہ فرمایاکہ اُمتوں اور رسولوں سے سب سے سوال ہوگا۔