سورة ابراھیم

هَٰذَا بَلَاغٌ لِّلنَّاسِ وَلِيُنذَرُوا بِهِ وَلِيَعْلَمُوا أَنَّمَا هُوَ إِلَٰهٌ وَاحِدٌ وَلِيَذَّكَّرَ أُولُو الْأَلْبَابِ

یہ انسانوں کے لیے ایک پیام ہے اور اس لیے بھیجا گیا ہے کہ لوگوں کو خبردار کیا جائے اور وہ معلوم کرلیں کہ ان کا معبود ایک ہی معبود ہے، نیز اس لیے کہ سمجھ بوجھ والے اس سے نصیحت پکڑیں۔

یعنی قرآن کا پیغام ایسی چیز ہے جسے تمام لوگوں تک پہنچانا ضروری ہے اور اس کے تین فائدے ہیں : (۱) لوگوں کو ان کے برے اعمال کے انجام سے بروقت خبردار کیاجائے اور ڈرایاجائے۔ (۲) لوگوں کو معلوم ہوجائے کہ ان کے اعمال پر گرفت کرنے والی صرف ایک ہی ہستی ہے لہٰذا ہر حال میں اُسی کی طرف رجوع کیاجائے، اس کی بندگی کی جائے اور اپنے نفع و نقصان کے وقت اُسے ہی پکارا جائے۔ (۳) قرآن میں مذکور آیات و واقعات سے اہل دانش عبرت اور سبق حاصل کریں۔ الحمدللہ!